((خودایە من پەنات پێ دەگرم لە سزای گۆڕ، و لە سزای دۆزەخ، و لە فیتنەی ژیان و مردن، و لە شەڕی فیتنەی مەسیحی دەججال)).
((خودایە من پەنات پێ دەگرم لە سزای گۆڕ، و لە فیتنەی مەسیحی دەججال، و لە فیتنەی ژیان و مردن. خودایە پەنات پێ دەگرم لە گوناهباری و قەرزاری)).
((خودایە من زۆر ستەمم لە نەفسی خۆم کردووە، و کەسیش لە گوناهەکان خۆش نابێت جگە لە تۆ، دەی لێم خۆشبە بە لێبوردنی خۆت و ڕەحمتم پێ بکە، بەڕاستی تۆ لێبوردە و میهرەبانیت)).
((خودایە لە گوناهە کۆن و نوێیەکانم خۆشبە، و ئەوانەی بە نهێنی و ئەوانەی بە ئاشکرا کردوومە، و ئەوانەی تێیدا زیادەڕۆیم کردووە، و ئەوانەشی کە تۆ لە من باشتر دەیانزانیت. تۆ پێشخەر و تۆ دواخەری، هیچ خوایەک نییە جگە لە تۆ)).
((خودایە یارمەتیم بدە لەسەر زیکر و یادی تۆ، و شوکرانەبژێری تۆ، و بە جوانی پەرستنی تۆ)).
((خودایە پەنات پێ دەگرم لە ڕەزیڵی، و پەنات پێ دەگرم لە ترسنۆکی، و پەنات پێ دەگرم لەوەی بگەڕێمەوە بۆ خراپترین کاتی تەمەن (پەککەوتەیی پیری)، و پەنات پێ دەگرم لە فیتنەی دونیا و سزای ناو گۆڕ)).
((خودایە من داوای بەهەشتت لێ دەکەم و پەنات پێ دەگرم لە ئاگری دۆزەخ)).
((خودایە بە زانیاریت لەسەر غەیب و دەسەڵاتت بەسەر مەخلوقاتدا، بـمژیێنە ئەگەر دەزانیت ژیان خێرە بۆم، و بـممرێنە ئەگەر دەزانیت مردن خێرە بۆم... خودایە داوای ترس و تەقوای تۆ دەکەم لە پەنهان و ئاشکرادا...)).
((خودایە من داوات لێ دەکەم ئەی اللە بەوەی کە تۆ خودای تاقانە و بێ وێنە و بێ نیازیت، ئەوەی کە نەبووە و لە کەسیش نەبووە، و هیچ هاوتایەکی نییە، کە لە گوناهەکانم خۆش بیت بەڕاستی تۆ لێبوردە و میهرەبانیت)).
((خودایە داوات لێ دەکەم بەوەی کە سوپاس و ستایش تەنها بۆ تۆیە، هیچ خوایەک نییە جگە لە تۆی تاقانە و بێ هاوەڵ، ئەی زۆر بەخشندە، ئەی بەدیهێنەری ئاسمانەکان و زەوی، ئەی خاوەنی گەورەیی و ڕێز، ئەی زیندوو و ڕاگر، من داوای بەهەشتت لێ دەکەم و پەنات پێ دەگرم لە ئاگر)).
((خودایە من داوات لێ دەکەم بەوەی کە شایەتی دەدەم تەنها تۆ خودایت و هیچ خوایەک نییە جگە لە تۆی تاقانەی بێ نیاز، ئەوەی نە منداڵی هەبووە و نە خۆشی لە کەس بووە، و هیچ هاوشێوەیەکی نییە)).
بانگ